നടൻ മമ്മൂട്ടിക്കും ഭാര്യ സുല്ഫത്തിനും വിവാഹാശംസകൾ നേർന്ന് നടനും മകനുമായ ദുൽഖർ സൽമാൻ. ഇവരുടെ 46 ആമത്തെ വിവാഹവാര്ഷികമാണിന്ന്. “നിങ്ങൾക്ക് സന്തോഷകരമായ വിവാഹ വാർഷികം ആശംസിക്കുന്നു’ എന്ന അടികുറിപ്പോട് കൂടി ദുൽഖർ തന്നെയാണ് സമൂഹമാധ്യമങ്ങളിലൂടെ ഈ കാര്യം അറിയിച്ചത്.
“ഏറ്റവും മനോഹരമായ ദമ്പതികൾ”, “ഒരിക്കലും പറയപ്പെടാത്ത ഏറ്റവും മഹത്തായ പ്രണയകഥ” തുടങ്ങിയ ഹാഷ് ടാഗുകളോടെയായിരുന്നു ദുല്ഖറിന്റെ പോസ്റ്റ്.കഴിഞ്ഞ ദിവസം അമ്മ സുല്ഫത്തിന് പിറന്നാൾ ആശംസകൾ നേർന്ന് ദുല്ഖർ പങ്കുവെച്ച ഇൻസ്റ്റാഗ്രാം പോസ്റ്റും ഇതിനുമുമ്പ് ശ്രദ്ധ നേടിയിരുന്നു. “ചക്കര ഉമ്മ! സന്തോഷം നിറഞ്ഞ പിറന്നാൾ” എന്ന അടിക്കുറിപ്പോടെ അമ്മയോടൊപ്പം ഉള്ള ചിത്രമാണ് അന്ന് ദുല്ഖർ പങ്കുവെച്ചത്.
1979-മെയ് 6ന് മമ്മൂട്ടിയും സുല്ഫത്തും വിവാഹിതരായി. 1982-ൽ മകൾ സുറുമി ജനിച്ചു. 1986-ൽ മകൻ ദുല്ഖറിനെയും ഇരുവരും വരവേറ്റു. നിരവധിപേരാണ് ഇരുവർക്കും വിവാഹാശംസകൾ നേർന്നു കൊണ്ടിരിക്കുന്നത്.