അഞ്ചു വർഷമായി വേദികളില് നിന്നും വിട്ടുനില്ക്കുന്നതിന്റെ കാരണം വെളിപ്പെടുത്തി ഗായിക സുജാത മോഹൻ. തന്റെ ശബ്ദത്തിന് ചില പ്രശ്നങ്ങൾ ഉണ്ടായത് കാരണമാണ് ഇതെന്നും, പക്ഷേ താന് ജീവിതത്തില് വിട്ടുകൊടുക്കില്ലെന്നും സുജാത പറഞ്ഞു. കഴിഞ്ഞ ദിവസം നടന്നൊരു തമിഴ് അവാര്ഡ് പരിപാടിയിലാണ് സുജാത ഈ കാര്യങ്ങൾ തുറന്നു പറഞ്ഞത്.
‘കഴിഞ്ഞ അഞ്ച് വര്ഷമായി ഞാന് വേദിയില് ലൈവ് പാടിയിട്ടില്ല. എന്റെ ശബ്ദത്തിന് ചില പ്രശ്നങ്ങളുണ്ടായതിനാലാണത്. പക്ഷേ, ഞാന് ജീവിതത്തില് വിട്ടുകൊടുക്കില്ല. കഴിഞ്ഞ രണ്ട് വര്ഷമായി പരിശീലനം തുടരുന്നുണ്ട്. രണ്ടോ മൂന്നോ മണിക്കൂര് അതിനായി എല്ലാ ദിവസവും മാറ്റിവയ്ക്കും. ഇനിയും ശക്തമായി പരിശീലനം തുടരണം എന്നാണ് വിചാരിക്കുന്നത്.’ സുജാത മോഹൻ പറഞ്ഞു.
അഞ്ച് പതിറ്റാണ്ട് നീണ്ടു കിടക്കുന്ന കരിയറില് 20000 ലധികം പാട്ടുകള് പാടിയിട്ടുണ്ട് സുജാത. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ തുടങ്ങിയ ഭാഷകളിലും പാടിയിട്ടുണ്ട്. മലയാളത്തില് സുജാത ഒടുവിലായി പാടിയത് 2023 ല് പുറത്തിറങ്ങിയ പാപ്പചന് ഒളുവിലാണ് എന്ന ചിത്രത്തിന് വേണ്ടിയാണ്.