ലൈംഗിക പീഡന കേസിൽ അറസ്റ്റിലായ സംഗീത സംവിധായകനും ഗായകനുമായ സച്ചിന് സങ്വി അറസ്റ്റിലായി. ഒക്ടോബര് 23 വ്യാഴാഴ്ച അറസ്റ്റ് ചെയ്തെങ്കിലും ഉടനെ ജാമ്യത്തില് വിട്ടയയ്ക്കുകയും ചെയ്തു. സംഗീത ആല്ബത്തില് അവസരം നല്കാമെന്നും വിവാഹം ചെയ്യാമെന്നും വാഗ്ദാനം ചെയ്ത് യുവതിയെ ലൈംഗികമായി പീഡിപ്പിച്ചെന്നായിരുന്നു സച്ചിനെതിരെയുള്ള പരാതി. എന്നാൽ ആരോപണങ്ങൾ അടിസ്ഥാനരഹിതവും വസ്തുതാവിരുദ്ധവുമാണെന്നും, സച്ചിനെ നിയമവിരുദ്ധമായി കസ്റ്റഡിയിലെടുത്തത് കൊണ്ടാണ് ഉടൻ ജാമ്യം ലഭിച്ചതെന്നും സച്ചിന്റെ അഭിഭാഷകൻ ആദിത്യ മീഠേ പറഞ്ഞു.
ഇൻസ്റ്റഗ്രാമിലൂടെയാണ് പരാതിക്കാരിയും സച്ചിനും പരിചയപ്പെട്ടതെന്നാണ് പോലീസ് പറഞ്ഞു. സച്ചിനാണ് ആദ്യം സന്ദേശം അയച്ചത്. പിന്നീട് പെൺകുട്ടിയുമായി ബന്ധം സ്ഥാപിച്ച സച്ചിൻ തൻ്റെ വരാനിരിക്കുന്ന സംഗീത ആൽബത്തിൽ അവസരം നൽകാമെന്ന് വാഗ്ദാനം നൽകി. പിന്നീട് ഇരുവരും ഫോൺ നമ്പറുകൾ കൈമാറി. ശേഷം സച്ചിൻ പെൺകുട്ടിയെ തൻ്റെ മ്യൂസിക് സ്റ്റുഡിയോയിലേക്ക് വിളിച്ചുവരുത്തി. അവിടെ വച്ചാണ് അദ്ദേഹം വിവാഹാഭ്യർഥന നടത്തിയത്. പലതവണ സച്ചിൻ പെൺകുട്ടിയെ ലൈംഗികമായി ഉപദ്രവിച്ചിട്ടുണ്ടെന്നും പരാതിയിൽ പറയുന്നു.
കഴിഞ്ഞ വർഷം പുറത്തിറങ്ങിയ സ്ത്രീ 2 എന്ന ചിത്രത്തിലെ സച്ചിൻ സംഗീതം നൽകിയ ‘ആജ് കീ രാത്ത്’ എന്ന ഗാനം വലിയ ഹിറ്റായിരുന്നു. ദിപാവലി റിലീസായി എത്തിയ താമ എന്ന ചിത്രത്തിലും സച്ചിൻ സംഗീതം നൽകിയിട്ടുണ്ട്.