പ്രശസ്ത റാപ്പർ വേടൻ വീണ്ടും സിനിമയിലെ ഗായകനായി മടങ്ങിയെത്തുന്നു. അനുരാജ് മനോഹർ സംവിധാനം ചെയ്ത ‘നരിവേട്ട’ എന്ന ചിത്രത്തിലാണ് വേടൻ തന്റെ പുതിയ ഗാനം അവതരിപ്പിക്കുന്നത്. ജേക്സ് ബിജോയിയുടെ സംഗീതത്തിൽ ഒരുക്കിയ ‘വാടാ വേടാ..’ എന്ന ഗാനമാണ് റിലീസിനൊരുങ്ങുന്നത്. മെയ് 23നാണ് ചിത്രം തിയേറ്ററുകളിൽ എത്തുന്നത്.
‘നരിവേട്ട’യിലെ മറ്റു ഗാനങ്ങളായ ‘മിന്നൽവള..’, ‘ആടു പൊൻമയിലേ..’ തുടങ്ങിയവ ഇതിനോടകം തന്നെ ട്രെൻഡിങ്ങിലായി പ്രേക്ഷകശ്രദ്ധ നേടി കഴിഞ്ഞു. ഗാനത്തിന്റെ റിലീസിനെ കുറിച്ചുള്ള വിവരം സംവിധായകൻ അനുരാജ് മനോഹർ കുറച്ച് ദിവസങ്ങൾക്ക് മുൻപ് സോഷ്യൽ മീഡിയയിലൂടെ പങ്കുവെച്ചിരുന്നു.
വിവാദങ്ങൾക്ക് ശേഷം വേടൻ വീണ്ടും സംഗീതവേദിയിൽ എത്തിയപ്പോൾ ആരാധകർ അര്പ്പിച്ച സ്വീകരണം ശ്രദ്ധേയമായിരുന്നു. “ഇനിയും പാടും, ഈ സമയവും കടന്നുപോകും,” എന്നായിരുന്നു വേടൻ തന്റെ പ്രതികരണത്തിൽ പറഞ്ഞത്.
‘ഇഷ്ക്’ എന്ന സിനിമയിലൂടെ ശ്രദ്ധേയനായ അനുരാജ് മനോഹറിന്റെ രണ്ടാം സംവിധാന സംരംഭമാണ് ‘നരിവേട്ട’. ‘മറവികൾക്കെതിരായ ഓർമ്മയുടെ പോരാട്ടം’ എന്ന ടാഗ്ലൈനോടെ എത്തുന്ന ചിത്രം അതിജീവനത്തിന്റെ ശക്തമായ സന്ദേശമുയർത്തുന്നു.
ടോവിനോ തോമസിൻ്റെ കരിയറിലെ മികച്ച ചിത്രമായിരിക്കുമെന്ന് ആരാധകർ പ്രതീക്ഷിക്കുന്നു. സുരാജ് വെഞ്ഞാറമൂട്, പ്രശസ്ത തമിഴ് സംവിധായകനും നടനുമായ ചേരൻ, പ്രിയംവദ കൃഷ്ണ, ആര്യ സലിം, റിനി ഉദയകുമാർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന് തിരക്കഥ ഒരുക്കിയത് കേന്ദ്ര സാഹിത്യ അക്കാദമി പുരസ്കാര ജേതാവായ അബിൻ ജോസഫ് ആണ്. കേരളത്തിലെ യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് ‘നരിവേട്ട’ ഒരുക്കിയിരിക്കുന്നതെന്ന് ട്രെയിലർ വ്യക്തമാക്കുന്നു.
എക്സിക്യൂട്ടീവ് പ്രൊഡ്യൂസർ- എൻ എം ബാദുഷ, ഛായാഗ്രഹണം- വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്- ബാവ, വസ്ത്രാലങ്കാരം- അരുൺ മനോഹർ, മേക്കപ്പ് – അമൽ സി ചന്ദ്രൻ, പ്രൊജക്റ്റ് ഡിസൈനർ- ഷെമിമോൾ ബഷീർ, പ്രൊഡക്ഷൻ ഡിസൈൻ- എം ബാവ, പ്രൊഡക്ഷൻ കൺട്രോളർ- സക്കീർ ഹുസൈൻ, സൗണ്ട് ഡിസൈൻ – രംഗനാഥ് രവി, പി ആർ ഒ & മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ, ചീഫ് അസ്സോസിയേറ്റ് ഡയറക്ടർ- രതീഷ് കുമാർ രാജൻ, സൗണ്ട് മിക്സ്- വിഷ്ണു പി സി, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്, കേരള ഡിസ്ട്രിബ്യൂഷൻ- ഐക്കൺ സിനിമാസ്, തമിഴ്നാട് ഡിസ്ട്രിബ്യൂഷൻ- എ ജി എസ് എന്റർടൈൻമെന്റ്, തെലുങ്ക് ഡിസ്ട്രിബ്യൂഷൻ- മൈത്രി മൂവി, ഹിന്ദി ഡിസ്ട്രിബ്യൂഷൻ- വൈഡ് ആംഗിൾ മീഡിയ പ്രൈവറ്റ് ലിമിറ്റഡ്, കന്നഡ ഡിസ്ട്രിബ്യൂഷൻ- ബാംഗ്ലൂർ കുമാർ ഫിലിംസ്, ഗൾഫ് ഡിസ്ട്രിബ്യൂഷൻ- ഫാർസ് ഫിലിംസ്, റെസ്റ്റ് ഓഫ് ദ് വേൾഡ് ഡിസ്ട്രിബ്യൂഷൻ- ബർക്ക്ഷെയർ ഡ്രീം ഹൗസ് ഫുൾ.