ശ്രീനാഥ് ഭാസി നായകനായ ‘പൊങ്കാല’ക്ക് സെൻസർബോർഡിന്റെ എട്ട് വെട്ട്. ചിത്രത്തിലെ എട്ട് റീലുകളിലെ 8 സീനുകൾ നീക്കം ചെയ്തശേഷം മാത്രമേ പുറത്തിറക്കാവൂ എന്നാണ് സെൻസർ ബോർഡിന്റെ നിർദ്ദേശം. ഇതേ തുടർന്ന് ഞായറാഴ്ച റിലീസ് ചെയ്യാനിരുന്ന ചിത്രത്തിൻ്റെ റിലീസ് മാറ്റിയിട്ടുണ്ട്. കൂടാതെ സെൻസർ ബോർഡ് നിർദേശിച്ച സീനുകൾ നീക്കം ചെയ്തശേഷം തൊട്ടടുത്ത ദിവസം തന്നെ ചിത്രം റിലീസ് ചെയ്യാനാണ് തീരുമാനമെന്ന് അണിയറ പ്രവർത്തകർ അറിയിച്ചു.
സാമൂഹികവും രാഷ്ട്രീയവുമായ അടിത്തറയിൽ രൂപപ്പെട്ട ശക്തമായ കഥയാണ് ‘പൊങ്കാല’ പറയുന്നത് എന്ന് അണിയറപ്രവർത്തകർ പറയുന്നു. ആക്ഷന് ഏറെ പ്രാധാന്യം കൊടുത്ത് ഒരുങ്ങുന്ന ചിത്രം യഥാർഥത്തിൽ നടന്ന സംഭവത്തെ ആസ്പദമാക്കിയുള്ളതാണ്. രണ്ടായിരം കാലഘട്ടത്തിലെ ഹാർബർ പശ്ചാത്തലമാക്കി വൈപ്പിൻ മുനമ്പം തീരദേശത്ത് നടന്ന ഒരു സംഭവ കഥയാണ് ‘പൊങ്കാല’ പറയുന്നത്. ആക്ഷൻ കോമഡി ത്രില്ലറായാണ് ചിത്രം എത്തുന്നത്..
എ.ബി ബിനിൽ കഥയും തിരക്കഥയും രചിച്ചു സംവിധാനം ചെയ്യുന്ന ‘പൊങ്കാല’ ഗ്ലോബൽ പിക്ചേഴ്സ് എൻ്റർടൈന്മെൻ്റ്, ജുനിയർ 8 എന്നീ ബാനറിൽ ദീപു ബോസും അനിൽ പിള്ളയും ചേർന്നാണ് നിർമിക്കുന്നത്. കോ-പ്രൊഡ്യൂസർ ഡോണ തോമസ്. ചിത്രം തിയറ്ററുകളിൽ എത്തിക്കുന്നത് ഗ്രേസ് ഫിലിം കമ്പനിയാണ്.
യാമി സോനാ, ബാബുരാജ്, സുധീർ കരമന, സാദിഖ്, സമ്പത്ത് റാം, അലൻസിയർ, കിച്ചു ടെല്ലസ്, സൂര്യകൃഷ്, ഇന്ദ്രജിത്ത് ജഗജിത്, ജീമോൻ ജോർജ്, മുരുകൻ മാർട്ടിൻ സ്മിനു സിജോ, ശാന്തകുമാരി, രേണു സുന്ദർ എന്നിവരും ‘പൊങ്കാല’യിൽ പ്രധാന കഥാപാത്രങ്ങളായെത്തുന്നു.
ചിത്രത്തിന്റെ ഛായാഗ്രഹണം: ജാക്സൺ, എഡിറ്റർ: അജാസ് പുക്കാടൻ. സംഗീതം: രഞ്ജിൻ രാജ്. മേക്കപ്പ്: അഖിൽ ടി.രാജ്. കോം: ഡിസൈൻ സൂര്യാ ശേഖർ. ആർട്ട്: നിധീഷ് ആചാര്യ. പ്രൊഡക്ഷൻ കൺട്രോളർ: സെവൻ ആർട്സ് മോഹൻ. ഫൈറ്റ്: മാഫിയ ശശി, രാജാ ശേഖർ, പ്രഭു ജാക്കി. കൊറിയോഗ്രാഫി: വിജയ റാണി. പിആർഓ: മഞ്ജു ഗോപിനാഥ്. ഡിജിറ്റൽ പ്രമോഷൻസ്: ഒബ്സ്ക്യൂറ എന്റ്റർടൈൻമെൻ്റ്, ഒപ്ര സ്റ്റിൽസ്: ജിജേഷ് വാടി. ഡിസൈൻസ്: അർജുൻ ജിബി. മാർക്കറ്റിങ്: ബ്രിങ് ഫോർത്ത്.