ടൊവിനോ തോമസ് പ്രൊഡക്ഷൻസിന്റെ ബാനറിൽ ബേസിൽ ജോസഫിനെ നായകനാക്കി നവാഗതനായ ശിവ പ്രസാദ് സംവിധാനം ചെയ്യുന്ന മരണമാസ്സ് എന്ന ചിത്രത്തിന്റെ ട്രയ്ലർ പുറത്തിറങ്ങി. ചിരിക്കാനും ചിന്തിക്കാനും ധാരാളം വിഭവങ്ങൾ ഉൾക്കൊള്ളിച്ചാണ് ട്രയ്ലർ പുറത്തിറക്കിയിരിക്കുന്നത്. റിപ്പർ ചന്ദ്രൻ എന്ന സീരിയൽ കൊലപാതകിക്കു ശേഷം കേരളത്തെ നടുക്കുന്ന സീരിയൽ കൊലപാതകങ്ങളുടെ പശ്ചാത്തല ത്തിലൂടെ അരങ്ങേറുന്ന ഈ ചിത്രം പൂർണ്ണമായും ഡാർക്ക് ഹ്യൂമറിലൂടെയാണവതരിപ്പിക്കുന്നത്. ചിത്രം വിഷു- ഈസ്റ്റർ ആഘോഷങ്ങൾക്ക് അകമ്പടിയോടെ ഏപ്രിൽ പത്തിന് തീയേറ്ററുകളിൽ എത്തുമെന്നാണ് സൂചന.കഥയുടെ പുതുമയിലും, കഥാപാത്രങ്ങളുടെ രൂപങ്ങളിലെ കൗതുകങ്ങളുമായി മരണമാസ് , ക്ളീൻ എൻ്റെർടൈനർ ആയിട്ടാണവതരിപ്പിക്കുന്നത്. ടൊവിനോ തോമസ് പ്രൊഡക്ഷൻസ് കൂടാതെ റാഫേൽ ഫിലിം പ്രൊഡക്ഷൻസ്, വേൾഡ് വൈഡ് ഫിലിംസ്.എന്നീ ബാനറുകളിൽ ടൊവിനോ തോമസ്, റാഫേൽ പൊഴാലിപ്പറമ്പിൽ, തൻസീർ സലാം, ടിങ്സ്റ്റൺ തോമസ് ‘ എന്നിവരും ചിത്രത്തിന്റെ നിർമ്മാതാക്കളാണ്. അനിഷ്മ അനിൽകുമാറാണ് ചിത്രത്തിലെ നായിക. : സുരേഷ് കൃഷ്ണ ബാബു ആൻ്റണി,, സിജു സണ്ണി, രാജേഷ് മാധവൻ, പുലിയാനം പൗലോസ് എന്നിവരും പ്രധാന താരങ്ങളാണ്.
ചിത്രത്തിന് സംഗീതം നിർവഹിച്ചിരിക്കുന്നത് ജയ് ഉണ്ണിത്താനാണ്. വരികൾ മൊഹ്സിൻ പെരാരി, ഛായാഗ്രഹണം നീരജ് രവി, എഡിറ്റിംഗ് ചമനം ചാക്കോ,’ പ്രൊഡക്ഷൻ ഡിസൈനർ മാനവ്, മേക്കപ്പ് ആർ.ജി.വയനാടൻ , കോസ്റ്റ്യും ഡിസൈൻ മഷർ ഹംസ, നിശ്ചല ഛായാ ഗ്രഹണം ഹരികൃഷ്ണൻ,
ചീഫ് അസ്സോസ്സിയേറ്റ് ഡയറക്ടേർസ് ഉമേഷ് രാധാകൃഷ്ണൻ., ബിനു നാരായൺ ‘, പ്രൊഡക്ഷൻ എക്സിക്കുട്ടീവ്സ് , രാജേഷ് മേനോൻ, അപ്പു,
പ്രൊഡക്ഷൻ മാനേജർ – സുനിൽ മേനോൻ ‘ , പ്രൊഡക്ഷൻ കൺട്രോളർ-എൽദോസെൽവരാജ്, പി ആർ ഓ വാഴൂർ ജോസ്
കൊച്ചിയിലും പരിസരങ്ങളിലും ധനുഷ്ക്കോടിയിലുമായാണ് ചിത്രീകരണം നടത്തിയിട്ടുള്ളത്.