വിജയ് ചിത്രം ജനനായകന് വീണ്ടും തിരിച്ചടി. ഇന്ന് ഉച്ചയ്ക്ക് രണ്ട് മണിക്ക് മുന്പ് ചിത്രം കാണുമെന്ന സിബിഎഫ്സി റിവൈസിംഗ് കമ്മിറ്റിയുടെ തീരുമാനം മാറ്റിയിരിക്കുകയാണ്. ചിത്രം റിവൈസിംഗ് കമ്മിറ്റി ഇന്ന് കാണില്ല എന്നാണ് ഏറ്റവും പുതിയ വിവരം. ഇന്ന് മുടങ്ങിയ സ്ക്രീനിംഗ് ഇനി എന്ന് നടക്കുമെന്നും അറിവായിട്ടില്ല.
കമ്മിറ്റിയിൽ ഉള്പ്പെട്ട ഒരാൾ രോഗബാധിതൻ ആയെന്നാണ് വിശദീകരണം. ഇന്ന് നിശ്ചയിച്ചിരുന്ന സ്ക്രീനിംഗ് അടക്കമുള്ള നടപടികള് സുഗമമമായി നടന്നാല് ചിത്രം തിയറ്ററുകളിലേക്ക് മെയ് മാസത്തില് വരും എന്നാണ് കരുതിയിരുന്നത്
സെന്സര് ബോര്ഡിന് എതിരായ ഹര്ജി ഒരു മാസം മുൻപ് നിര്മ്മാതാക്കളായ കെവിഎന് പ്രൊഡക്ഷന്സ് പിൻവലിച്ചിരുന്നു. കോടതികളില് നിന്ന് തുടര്ച്ചയായി തിരിച്ചടി നേരിട്ടതിന് പിന്നാലെ കേസുമായി മുന്നോട്ടുപോകാന് തങ്ങള്ക്ക് താല്പര്യമില്ലെന്നും ചിത്രം റിവൈസിംഗ് കമ്മിറ്റിക്ക് വിടാമെന്നും നിര്മ്മാതാക്കള് മദ്രാസ് ഹൈക്കോടതിയെ അറിയിക്കുകയായിരുന്നു.
കോടതികളില് നിന്ന് തുടര്ച്ചയായി തിരിച്ചടി നേരിട്ടതിന് പിന്നാലെ ചിത്രത്തിന്റെ നിര്മ്മാതാക്കളായ കെവിഎന് പ്രൊഡക്ഷന്സ് സെന്സര് ബോര്ഡിന് എതിരായ ഹര്ജി ഒരു മാസം മുന്പ് പിന്വലിച്ചിരുന്നു. കേസുമായി മുന്നോട്ടുപോകാന് തങ്ങള്ക്ക് താല്പര്യമില്ലെന്നും ചിത്രം റിവൈസിംഗ് കമ്മിറ്റിക്ക് വിടാമെന്നും നിര്മ്മാതാക്കള് മദ്രാസ് ഹൈക്കോടതിയെ അറിയിക്കുകയായിരുന്നു. കോടതിയിലെ നിയമ പോരാട്ടം തുടര്ന്നാല് റിലീസ് അനിശ്ചിതത്വം തുടരുമെന്നതാണ് നിര്മ്മാതാക്കളെ മാറി ചിന്തിക്കാന് പ്രേരിപ്പിച്ചത്. സിംഗിള് ബെഞ്ചില് അപ്പീല് നല്കിയാല് നടപടികള് ആരംഭിക്കാന് തന്നെ ചുരുങ്ങിയത് 20 ദിവസമെങ്കിലുമെടുക്കും. അതിന് ശേഷം സെന്സര് ബോര്ഡിന് എട്ട് ആഴ്ച വരെ സമയം നല്കാന് കോടതിക്ക് സാധിക്കും.
തമിഴ്നാട് തെരഞ്ഞെടുപ്പ് അടുത്തിരിക്കെ തീയതി പ്രഖ്യാപിച്ചാല് മാതൃകാ പെരുമാറ്റ ചട്ടം നിലവില് വരും. അപ്പോള് കൂടുതല് നിയമ കുരുക്കുകളിലേക്ക് ഇത് കടക്കും. അങ്ങനെ വന്നാല് ചിത്രം നിയമസഭാ തെരഞ്ഞെടുപ്പും കഴിഞ്ഞ് മെയ്, ജൂണ്, ജൂലൈ മാസങ്ങളിലേക്ക് നീളും തെരഞ്ഞെടുപ്പില് ടിവികെയ്ക്ക് തിരിച്ചടി നേരിട്ടാല് വിജയ്ക്ക് ഇപ്പോള് ലഭിക്കുന്ന സ്വീകാര്യത ലഭിക്കണമെന്നില്ല. ഇതൊക്കെ മുന്നില് കണ്ടാണ് സെന്സര് ബോര്ഡിന് എതിരായ ഹര്ജി പിന്വലിക്കാന് നിര്മ്മാതാക്കള് തീരുമാനിച്ചത്.