ഗോവിന്ദ് മേനോൻ എന്ന പേര് ഗോവിന്ദ് വസന്ത എന്നാക്കിയതിന്റെ കാരണം ചോദിച്ച അവതാരകയ്ക്ക് കിടിലൻ മറുപടി നൽകി സംഗീത സംവിധായകനും ഗായകനുമായ ‘ഗോവിന്ദ് വസന്ത’.” തന്റെ പേരിനൊപ്പം ജാതിപ്പേര് ചേര്ത്തുവെക്കണ്ട എന്നു കരുതി ചെയ്തതാണെന്നും, അത് തന്റെ തീരുമാനമാണെന്നുമായിരുന്നു ഗോവിന്ദ് നൽകിയ മറുപടി. ഒറിജിനൽസ് എന്ന ഓൺലൈൻ മീഡിയയ്ക്ക് നൽകിയ അഭിമുഖത്തിലായിരുന്നു താരത്തിന്റെ പ്രതികരണം.
‘വസന്ത എന്റെ അമ്മയുടെ പേരാണ്. ഞാന് കടമെടുത്തതല്ല. ഫാന്സിയാക്കാന് വേണ്ടി ചേര്ത്തതല്ല. അമ്മയുടെ പേരാണ്. എന്റെ പേരിനൊപ്പം ജാതിപ്പേര് ചേര്ത്തുവെക്കണ്ട എന്നു കരുതി ചെയ്തതാണ്. അത് എന്റെ തീരുമാനമാണ്. ഞാൻ ജീവിച്ചിരിക്കുന്നിടത്തോളം കാലം എന്റെ ജാതി ഏതെന്ന് ആളുകള്ക്ക് മനസിലാകും. അതുകൊണ്ട് പേരിന്റെ കൂടെ ജാതി വെക്കണം എന്നില്ല’. ഗോവിന്ദ് വസന്ത പറഞ്ഞു.
ആരാധകർ നിരവധിയുള്ള സംഗീത സംവിധായകനും ഗായകനുമാണ് ഗോവിന്ദ് വസന്ത. തമിഴിലും മലയാളത്തിലുമായി ഇദ്ദേഹം നിരവധി ഗാനങ്ങൾ ആരാധകർക്കായി നൽകിയിട്ടുണ്ട്. 96 എന്ന സിനിമയിലെ അദ്ദേഹത്തിൻ്റെ മ്യൂസിക്കിന് ആരാധകർ ഏറെയാണ്.