മോഹൻലാൽ- തരുൺ മൂർത്തി കൂട്ടുകെട്ടിലൊരുങ്ങുന്ന പുതിയ ചിത്രത്തിന്റെ തിരക്കഥ പൂജയ്ക്ക് വച്ച് സംവിധായകൻ തരുൺമൂർത്തി. വൈക്കം മഹാദേവ ക്ഷേത്രത്തിലാണ് തിരക്കഥ പൂജയ്ക്ക് വെച്ചിരിക്കുന്നത്. ‘തന്റെ എല്ലാ സിനിമകളും ആരംഭിക്കുന്നത് വൈക്കം മഹാദേവ ക്ഷേത്രത്തിൽ നിന്നാണെന്നും, അവിടെ നിന്നും ആരംഭിക്കുന്നതിനേക്കാൾ വലിയ സന്തോഷം വേറെയില്ലെന്നും’ തരുൺ മൂർത്തി കുറിച്ചു. തന്റെ സോഷ്യൽ മീഡിയ പേജിലൂടെയായിരുന്നു തരുൺ മൂർത്തിയുടെ വെളിപ്പെടുത്തൽ.
“എന്റെ എല്ലാ സിനിമകളും ആരംഭിക്കുന്നത് വൈക്കം മഹാദേവ ക്ഷേത്രത്തിൽ നിന്നാണ്. എന്റെ കല, എഴുത്ത് എല്ലാം ജനിച്ചത് ഇവിടെയാണ്. ഈ പുണ്യസ്ഥലത്ത് നിന്ന് വീണ്ടും ആരംഭിക്കുന്നതിനേക്കാൾ വലിയ ആനന്ദം മറ്റൊന്നില്ല.” തരുൺ മൂർത്തി
തുടരും’ എന്ന ബ്ലോക്ക്ബസ്റ്റർ ചിത്രത്തിന് ശേഷം മോഹൻലാൽ- തരുൺ മൂർത്തി കൂട്ടുകെട്ടിലൊരുങ്ങുന്ന പുതിയ ചിത്രമാണ് #L365. ജനുവരി 23 നാണ് ചിത്രത്തിന്റെ ചിത്രീകരണം ആരംഭിക്കുന്നത്. ആഷിഖ് ഉസ്മാൻ പ്രൊഡക്ഷൻസിന്റെ ബാനറിലാണ് ചിത്രമൊരുങ്ങുന്നത്. മോഹൻലാലിനെ നായകനാക്കി നവാഗതനായ ഓസ്റ്റിൻ ഡാൻ തോമസ് സംവിധാനം ചെയ്യാനിരുന്ന ചിത്രം ഡ്രോപ്പ് ആയതിന് ശേഷമാണ് ഇതേ ബാനറിൽ പുതിയ ചിത്രം പ്രഖ്യാപിച്ചത്. രതീഷ് രവിയാണ് ചിത്രത്തിന്റെ കഥ.