ബിഗ് ബോസ് സീസണ് നാലിലെ റണ്ണറപ്പായിരുന്ന ബ്ലെസ്ലി എന്ന മുഹമ്മദ് ഡിലിജന്റ് അറസ്റ്റിൽ. സൈബർ തട്ടിപ്പിലൂടെ പണം കവർന്നെന്ന കേസിലാണ് അറസ്റ്റ്. കോഴിക്കോട് കൊടുവള്ളി കേന്ദ്രീകരിച്ച് നടത്തിയ തട്ടിപ്പിലാണ് ക്രൈംബ്രാഞ്ചിന്റെ പ്രത്യേക സംഘം ബ്ലെസ്ലിയെ അറസ്റ്റ് ചെയ്യുന്നത്.
ജോലി വാഗ്ദാനം ചെയ്ത് ഓൺലൈൻ വഴി ലക്ഷങ്ങളുടെ തട്ടിപ്പ് നടത്തിയെന്നാണ് കണ്ടത്തൽ. സമാനമായ രീതിയിൽ തട്ടിപ്പ് സംസ്ഥാനത്തിന്റെ വിവിധ ഭാഗങ്ങളിൽ നടക്കുന്നുണ്ടെന്നും അവരെ പിടികൂടാൻ ഉണ്ടെന്നും അന്വേഷണ സംഘം അറിയിച്ചു.
തട്ടിപ്പിലൂടെ ലഭിക്കുന്ന പണം ക്രിപ്റ്റോ കറന്സിയാക്കി ചൈനയിലേക്ക് കടത്താന് ബ്ലെസ്ലി ഒത്താശ ചെയ്തതായും പൊലീസ് കണ്ടെത്തിയിട്ടുണ്ട്. കുറച്ചു നാളുകളായി ക്രൈംബ്രാഞ്ച് സംഭവത്തിൽ അന്വേഷണം നടത്തി വരികയായിരുന്നു. പിന്നാലെയാണ് അന്വേഷണ സംഘം ബ്ലെസ്ലിയിലേക്ക് എത്തിയത്.