വനിതാ നിർമാതാവിനെതിരേ ലൈംഗികാതിക്രമം നടത്തിയ കേസിൽ സിനിമാ നിർമ്മാതാവ് ആന്റോ ജോസഫിനെ ഒന്നാം പ്രതിയാക്കി പൊലീസ് കുറ്റപത്രം സമർപ്പിച്ചു. എറണാകുളം സെഷൻസ് കോടതിയിലാണ് കേസ് അന്വേഷിച്ച പ്രത്യേക സംഘം കുറ്റപത്രം സമർപ്പിച്ചത്. കേസിൽ പ്രൊഡ്യൂസേഴ്സ് അസോസിയേഷൻ ജനറൽ സെക്രട്ടറി ബി. രാകേഷ് (രണ്ടാം പ്രതി), നിർമാതാക്കളായ അനിൽ തോമസ്, ഔസേപ്പച്ചൻ വാഴക്കുഴി എന്നിവരെയും പ്രതികളായി ഉൾപ്പെടുത്തിയിട്ടുണ്ട്.
പ്രൊഡ്യൂസേഴ്സ് അസോസിയേഷനിൽ നൽകിയ പരാതിയെ തുടർന്ന് വിളിച്ചുവരുത്തിയ കൂടിക്കാഴ്ചക്കിടെയാണ് ലൈംഗികാതിക്രമം ഉണ്ടായതെന്നും വാക്കുതർക്കങ്ങളും അധിക്ഷേപവും ഉണ്ടായതാണെന്ന യുവതി പൊലീസിന് നൽകിയ മൊഴിയിൽ വ്യക്തമാക്കിയിരുന്നു. ഹേമ കമ്മിറ്റിയുടെ റിപ്പോർട്ടിന്റെ അടിസ്ഥാനത്തിൽ വിഷയത്തിൽ പ്രത്യേക അന്വേഷണ സംഘം രൂപീകരിച്ചിരുന്നു. സി.സി.ടി.വി ദൃശ്യങ്ങൾ, ഡിജിറ്റൽ തെളിവുകൾ, പരാതിക്കാരിയുടെ മൊഴികൾ എന്നിവ ശേഖരിച്ച ശേഷമാണ് നടപടി.
“സ്വാധീനശക്തിയുള്ളവർക്കെതിരെയാണ് ഈ പോരാട്ടം. തനിക്ക് ഇൻഡസ്റ്റ്രിയിൽ അപ്രഖ്യാപിത വിലക്കാണ് അനുഭവപ്പെടുന്നത്,” എന്നായിരുന്നു ഇതിനെതിരെ ആന്റോ ജോസഫിന്റെ പ്രതികരണം.