സംവിധായകനും ടെലിവിഷൻ അവതാരകനുമായ സാജിദ് ഖാൻ വീട്ടിലേക്ക് വിളിച്ച് വരുത്തുകയും മോശമായി പെരുമാറുകയും ചെയ്തുവെന്ന് നടി നവീന ബോലെ. 2007-ല് പുറത്തിറങ്ങിയ ‘ഹേ ബേബി’ എന്ന ബോളിവുഡ് ചിത്രത്തിന്റെ കാസ്റ്റിങ്ങിനിടെയാണ് സാജിദ് ഖാൻ മോശമായി പെരുമാറിയതെന്ന് താരം വ്യക്തമാക്കി. സുഭോജിത് ഘോഷുമായുള്ള യൂട്യൂബ് ചാനലിന്റെ അഭിമുഖത്തിലാണ് താരത്തിന്റെ പ്രതികരണം.
ഇഷ്ക്ബാസ്’ എന്ന പരമ്പരയിലൂടെ ശ്രദ്ധിക്കപ്പെട്ട നടിയാണ് നവീന ബോലെ. ‘എന്റെ ജീവിതത്തിൽ ഒരിക്കലും കാണാൻ ആഗ്രഹിക്കാത്ത ഒരു മനുഷ്യനാണ് സാജിദ് ഖാൻ. അയാൾ എന്നെ വിളിച്ചപ്പോൾ ഞാൻ വളരെ ആവേശത്തിലായിരുന്നു. എന്നാൽ എന്റെ വസ്ത്രങ്ങൾ അഴിച്ചുമാറ്റി അടിവസ്ത്രം മാത്രം ധരിച്ചിരിക്കാന് അയാൾ ആവശ്യപ്പെട്ടു,’ എന്ന് നവീന ബോലെ പറഞ്ഞു. ഒരു വർഷത്തിനുശേഷം മിസിസ് ഇന്ത്യയിൽ പങ്കെടുക്കുന്നതിനിടയിൽ സാജിദ് വീണ്ടും തന്നെ ബന്ധപ്പെട്ടുവെന്നും നവീന വെളിപ്പെടുത്തി. ഒരു വേഷത്തിനായി തന്നെ വന്നു കാണുവാൻ അയാൾ ആവശ്യപ്പെട്ടു. ഒരുപാട് സ്ത്രീകളോട് മോശമായി പെരുമാറുന്നതുകൊണ്ട് തന്നെ ഒരുവര്ഷം മുമ്പ് വിളിച്ചത് അയാൾക്ക് ഓർമ്മയുണ്ടാകില്ല എന്നും നടി പറഞ്ഞു.2018 ൽ ഇന്ത്യയിലെ മീറ്റൂ മൂവ്മെന്റിന്റെ ഭാഗമായി സാജിദ് ഖാനെതിരെ നിരവധിപ്പേർ രംഗത്ത് വന്നിരുന്നു. അന്ന് അഭിനേതാക്കളും മാധ്യമപ്രവർത്തകരും മോഡലുകളുമെല്ലാം സാജിദ് ഖാനെതിരെ നടത്തിയ വെളിപ്പെടുത്തലുകൾ അന്ന് ഏറെ ചർച്ചയായിരുന്നു.
ഇതിനു മുന്നേ ഹൗസ്ഫുൾ സംവിധായകനെതിരെ ലൈംഗിക ചൂഷണ ആരോപണവുമായി ഇന്ത്യൻ മോഡലായ പൗള രംഗത്തെത്തിയിരുന്നു. ആ സാമ്യത സാജിദ് ഖാന്റെ പേര് വീണ്ടും ഉയർന്നുവന്നിട്ടുണ്ടായിരുന്നു. ഹൗസ്ഫുളിൽ അഭിനയിക്കാമെന്ന് വാഗ്ദാനം ചെയ്ത് 17 വയസ്സുള്ളപ്പോൾ സാജിദ് ഖാൻ തന്നെ ലൈംഗികമായി ചൂഷണം ചെയ്യാൻ ശ്രമിച്ചുവെന്ന് അന്ന് നടി തന്റെ ഇൻസ്റ്റാഗ്രാമിലൂടെ പറഞ്ഞിട്ടുണ്ടായിരുന്നു. “ജനാധിപത്യം മരിക്കുന്നതിനുമുമ്പ്, ഇനി സംസാര സ്വാതന്ത്ര്യം ഇല്ലാതാകുന്നതിനുമുമ്പ്, ഞാൻ സംസാരിക്കണമെന്ന് കരുതി!”. എന്നിങ്ങനെയായിരുന്നു പൗള തെന്റെ പേജിൽ കുറിച്ചിട്ടുണ്ടായിരുന്നത്. 2018-ൽ മീ ടൂ പ്രസ്ഥാനം ശക്തി പ്രാപിക്കുകയും സാജിദ് ഖാനെതിരെ മീ ടൂ ആരോപണങ്ങൾ ഉയരുകയും ചെയ്തപ്പോൾ തനിക്ക് നേരിടേണ്ടി വന്ന ദുരനുഭവം പങ്കുവെക്കാൻ ആഗ്രഹിച്ചതായി മോഡൽ എഴുതിയിട്ടുണ്ടായിരുന്നു. എന്നാൽ, താൻ വ്യവസായത്തിൽ പുതിയ ആളാണെന്നും കുടുംബത്തിന് വേണ്ടി സമ്പാദിക്കാൻ ആഗ്രഹിച്ചിരുന്നതായും അന്ന് സംവിധായകനെതിരെ സംസാരിക്കാൻ ധൈര്യപ്പെട്ടിരുന്നില്ലെന്നും മോഡൽ തന്റെ നീണ്ട സോഷ്യൽ മീഡിയ പോസ്റ്റിൽ പറഞ്ഞു. എന്നാൽ ഇപ്പോൾ, കുടുംബം അവരോടൊപ്പമില്ലാത്തതിനാൽ, വളരെ വൈകുന്നതിന് മുമ്പ് മനസ്സുതുറക്കാൻ താൻ തീരുമാനിച്ചതായും അവർ വ്യക്തമാക്കി.
പോസ്റ്റ് ഇങ്ങനെയായിരുന്നു: “#MeToo പ്രസ്ഥാനം ആരംഭിച്ചപ്പോൾ, ധാരാളം ആളുകൾ സാജിദ് ഖാനെ കുറിച്ച് സംസാരിച്ചു, പക്ഷേ ഞാൻ അതിന് ധൈര്യപ്പെട്ടില്ല, കാരണം ഗോഡ്ഫാദർ ഇല്ലാത്തതും കുടുംബത്തിനായി സമ്പാദിക്കേണ്ടി വന്നതുമായ മറ്റെല്ലാ നടന്മാരെയും പോലെ ഞാൻ മൗനം പാലിച്ചു. ഇപ്പോൾ എന്റെ മാതാപിതാക്കൾ എന്റെ കൂടെയില്ല. ഞാൻ എനിക്ക് വേണ്ടിയാണ് സമ്പാദിക്കുന്നത്. പതിനേഴാം വയസ്സിൽ സാജിദ് ഖാൻ എന്നെ ഉപദ്രവിച്ചുവെന്ന് എനിക്ക് ധൈര്യത്തോടെ പറയാൻ കഴിയും (sic).””അയാൾ എന്നോട് മോശമായി സംസാരിച്ചു. എന്നെ തൊടാൻ ശ്രമിച്ചു. വരാനിരിക്കുന്ന ഹൗസ്ഫുൾ സിനിമയിൽ (sic) ഒരു വേഷം കിട്ടാൻ വേണ്ടി മാത്രം അയാൾ എന്നോട് അവന്റെ മുന്നിൽ വസ്ത്രം ധരിക്കാൻ പോലും പറഞ്ഞു” എന്ന് പൗള കൂട്ടിച്ചേർത്തു.”എത്ര പെൺകുട്ടികളെ ഉപയോഗിച്ചാണ് അവൻ ഇത് ചെയ്തതെന്ന് ദൈവത്തിനറിയാം. ഇപ്പോൾ ഞാൻ പുറത്തുവരുന്നത് ഒരു പാർട്ടിക്ക് വേണ്ടിയല്ല. കുട്ടിയായിരുന്നപ്പോൾ അത് എന്നെ വളരെയധികം ബാധിച്ചിരുന്നുവെന്ന് ഞാൻ മനസ്സിലാക്കി, സംസാരിക്കാതിരിക്കാൻ തീരുമാനിച്ചു. പക്ഷേ ഇപ്പോൾ സമയമായി അല്ലേ? കാസ്റ്റിംഗ് കൗച്ചിന് മാത്രമല്ല, കൃത്രിമം കാണിച്ചതിനും നിങ്ങളുടെ സ്വപ്നങ്ങൾ മോഷ്ടിച്ചതിനും ഈ തെണ്ടികൾ ജയിലിലായിരിക്കണം. പക്ഷേ ഞാൻ നിർത്തിയില്ല!! പക്ഷേ ഞാൻ ചെയ്ത തെറ്റ് അതിനെക്കുറിച്ച് സംസാരിക്കാതിരിക്കുക എന്നതായിരുന്നു!” മോഡൽ പറഞ്ഞു
ചലച്ചിത്ര നിർമ്മാതാവ് സാജിദ് ഖാനെതിരെ ഉയർന്ന ലൈംഗിക പീഡന ആരോപണങ്ങളിൽ തന്റെ നിലപാട് വ്യക്തമാക്കി പ്രശസ്ത ടെന്നീസ് കളിക്കാരൻ മഹേഷ് ഭൂപതിയും രംഗത്തെത്തിയിരുന്നു . ഹൗസ്ഫുൾ എന്ന സിനിമയുടെ സെറ്റിൽ സംവിധായകൻ സാജിദ് ഖാൻ തന്റെ സഹനടിയെ “പരുഷവും അശ്ലീലവുമായ” പെരുമാറ്റത്തിന് വിധേയമാക്കിയെന്ന് നടി ഭാര്യ ലാറ ദത്ത തന്നോട് പരാതിപ്പെട്ടതായി ഭൂപതി ഒരു അഭിമുഖത്തിൽ വെളിപ്പെടുത്തിയിരുന്നു .