തെലുങ്ക് നടൻ രവി തേജയുടെ പിതാവ് ഭൂപതിരാജു രാജഗോപാൽ രാജു (90) അന്തരിച്ചു. ഹൈദരാബാദിലെ രവി തേജയുടെ വസതിയിൽവെച്ചായിരുന്നു അന്ത്യം. വാർധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു. ഫാർമസിസ്റ്റായിരുന്നു. തെലുങ്ക് മെഗാ സ്റ്റാർ ചിരഞ്ജീവി മരണത്തിൽ അനുശോചനം രേഖപ്പെടുത്തിയിട്ടുണ്ട്. താനും രവി തേജയും ഒന്നിച്ചഭിനയിച്ച വാൾട്ടയർ വീരയ്യ എന്ന ചിത്രത്തിന്റെ സെറ്റിൽവെച്ചാണ് രാജഗോപാൽ രാജുവിനെ അവസാനമായി കണ്ടതെന്ന് അദ്ദേഹം കുറിച്ചു.
മകൻ രവി തേജ സൂപ്പർ താരമായിരുന്നിട്ടും രാജഗോപാൽ രാജു ഫാർമസിസ്റ്റ് ജോലി തുടർന്നിരുന്നു. ർമസിസ്റ്റ് ജോലിയുടെ ഭാഗമായി ജയ്പൂർ, ഡൽഹി, മുംബൈ, ഭോപ്പാൽ എന്നിവിടങ്ങളിലെല്ലാം അദ്ദേഹം ജോലി നോക്കിയിട്ടുണ്ട്. രാജ്യ ലക്ഷ്മിയാണ് രാജഗോപാൽ രാജുവിന്റെ ഭാര്യ. രവി തേജയെക്കൂടാതെ മറ്റൊരു മകൻ കൂടിയുണ്ട്. മൂന്നാമത്തെ മകനായിരുന്ന ഭരത് രാജു 2017-ലുണ്ടായ കാറപകടത്തിൽ മരിച്ചു.