കഴിഞ്ഞ ദിവസം പുറത്തിറങ്ങിയ “ലോക”യിലെ ടൊവിനോയുടെ ക്യാരക്റ്റർ പോസ്റ്ററിനെ കുറിച്ചുള്ള ചോദ്യങ്ങൾക്ക് മറുപടി നൽകി ടൊവിനോ തോമസ്. ചിത്രത്തിന്റെ അവസാനത്തെ ഷോട്ടിലെ ടൊവിനോയുടെ ലുക്കിന് അജയന്റെ രണ്ടാം മോഷണത്തിലെ മണിയൻ എന്ന കഥാപാത്രവുമായി സാമ്യം തോന്നുന്നെന്ന വർത്തകൾക്കാണ് ടൊവിനോ പ്രതികരിച്ചിരിക്കുന്നത്. “ചാത്തനും മണിയനും തമ്മിൽ ഒരു ബന്ധവുമില്ലെന്നും രണ്ടും രണ്ട് യൂണിവേഴ്സ് ആണെന്നുമാണ്” ടൊവിനോയുടെ മറുപടി.
അജയന്റെ രണ്ടാം മോഷണത്തിന്റെ ഒന്നാം വാർഷികത്തോട് അനുബന്ധിച്ച് സംവിധായകൻ ജിതിൻ ലാൽ ഒരു പോസ്റ്റ് ഇട്ടിരുന്നു. ഇതിന് താഴെയാണ് സംശയം പ്രകടിപ്പിച്ചുകൊണ്ട് ഒരു ആരാധകനെത്തിയത്. ലോകയിൽ ദുല്ഖര് ചാര്ലി എന്ന കഥാപാത്രത്തെയും ടൊവിനോ മൈക്കള് എന്ന കഥാപാത്രത്തെയുമാണ് അവതരിപ്പിച്ചത്. ഡൊമിനിക് അരുൺ ഒരുക്കിയ ലോക ബോക്സ് ഓഫീസിൽ ഇതിനോടകം 200 കോടി കടന്നു. ചിത്രത്തിൽ ടൊവിനോ തോമസ് അതിഥി വേഷത്തിൽ എത്തിയിരുന്നു. ചിത്രത്തിൽ ചാത്തനായിട്ടാണ് ടൊവിനോ എത്തിയത്.
ചന്തു സലിംകുമാർ, അരുൺ കുര്യൻ, ശരത് സഭ, നിഷാന്ത് സാഗർ, വിജയരാഘവൻ എന്നിവരും ചിത്രത്തിന്റെ താരനിരയിലുണ്ട്. കേരളത്തിൽ വേഫെറർ ഫിലിംസ് ആണ് ചിത്രം എത്തിച്ചത്. ഛായാഗ്രഹണം -നിമിഷ് രവി, സംഗീതം – ജേക്സ് ബിജോയ്, എഡിറ്റർ – ചമൻ ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വർഗീസ്, ബിബിൻ പെരുമ്പള്ളി, അഡീഷണൽ തിരക്കഥ-ശാന്തി ബാലചന്ദ്രൻ, പ്രൊഡക്ഷൻ ഡിസൈനർ-ബംഗ്ലാൻ , കലാസംവിധായകൻ-ജിത്തു സെബാസ്റ്റ്യൻ, മേക്കപ്പ് – റൊണക്സ് സേവ്യർ, കോസ്റ്റ്യൂം ഡിസൈനർ-മെൽവി ജെ, അർച്ചന റാവു, സ്റ്റിൽസ്- രോഹിത് കെ സുരേഷ്, അമൽ കെ സദർ, ആക്ഷൻ കൊറിയോഗ്രാഫർ- യാനിക്ക് ബെൻ, പ്രൊഡക്ഷൻ കൺട്രോളർ – റിനി ദിവാകർ, വിനോഷ് കൈമൾ, ചീഫ് അസോസിയേറ്റ്-സുജിത്ത് സുരേഷ്.