മൂന്ന് തവണ തുടർച്ചയായി ഫിലിം ഡിസ്ട്രിബ്യൂട്ടേഴ്സ് അസോസിയേഷന്റെ പ്രസിഡന്റായി തിരഞ്ഞെടുക്കപ്പെട്ട് നിർമ്മാതാവ് ലിസ്റ്റിൻ സ്റ്റീഫൻ. കൊച്ചിയില് നടന്ന വാര്ഷിക ജനറല് ബോഡി മീറ്റിങ്ങിലാണ് പുതിയ ഭാരവാഹികളെ പ്രഖ്യാപിച്ചത്. വൈസ് പ്രസിഡന്റായി സിയാദ് കോക്കറും ജനറല് സെക്രട്ടറിയായി എസ്.എസ്.ടി. സുബ്രഹ്മണ്യനും തിരഞ്ഞെടുക്കപ്പെട്ടു. എ. മാധവന്, മുകേഷ് ആര്. മേത്ത, പി.എ. സെബാസ്റ്റ്യന് എന്നിവരാണ് ജോയിന്റ് സെക്രട്ടറി സ്ഥാനം വഹിക്കുക. വി.പി. മാധവന് നായർ ട്രഷററായും പ്രവർത്തിക്കും.
2011-ല് ‘ട്രാഫിക്’ എന്ന സിനിമ നിര്മിച്ചാണ് ലിസ്റ്റിന് നിര്മാണ രംഗത്തെത്തുന്നത്. മാജിക്ക് ഫ്രെയിംസ് എന്ന പേരിൽ പ്രവർത്തിക്കുന്ന നിർമ്മാണ കമ്പിനി പിന്നീട് ഉസ്താദ് ഹോട്ടല്, ഹൗ ഓള്ഡ് ആര് യു തുടങ്ങിയ സൂപ്പര്ഹിറ്റ് സിനിമകൾ മലയാളികൾക്ക് നൽകി. ഡ്രൈവിങ് ലൈസന്സ് എന്ന ചിത്രത്തിലൂടെ പൃഥ്വിരാജിനൊപ്പം നിര്മാണത്തില് പങ്കാളിയായി. കടുവ, ജനഗണമന എന്നീ സിനിമകള് ആ കൂട്ടുകെട്ടിൽ നിർമ്മിച്ച ചിത്രങ്ങളാണ്. കൂടാതെ കെജിഎഫ് 2, ബിഗില്, പേട്ട തുടങ്ങിയ സിനിമകളുടെ കേരള വിതരണവും ഇരുവരും ഒന്നിച്ചാണ് ഏറ്റെടുത്തത്.
മാജിക് ഫ്രെയിംസ് കൂടാതെ എസ്ഐഎഫ്എ(സൗത്ത് ഇന്ത്യന് ഫിലിം അക്കാദമി)സൗത്ത് സ്റ്റുഡിയോസ്, സൗത്ത് ഫ്രെയിംസ് എന്നീ സ്ഥാപനങ്ങളുടെയും ഉടമയാണ് ലിസ്റ്റിന് സ്റ്റീഫന്. ദിലീപ് നായകനായി എത്തിയ ‘പ്രിന്സ് ആന്ഡ് ഫാമിലി’യാണ് ലിസ്റ്റിന്റേതായി പുറത്തിറങ്ങിയ പുതിയ ചിത്രം. മാജിക് ഫ്രെയിംസ് വിതരണംചെയ്ത ‘മൂണ് വാക്ക്’ എന്ന ചിത്രവും പ്രേക്ഷകശ്രദ്ധ ആകര്ഷിച്ച വിജയചിത്രമായിരുന്നു.
കുഞ്ചാക്കോ ബോബന്-രതീഷ് ബാലകൃഷ്ണ പൊതുവാള് (ന്നാ താന് കേസുകൊട് )എന്ന സൂപ്പര് ഹിറ്റ് ചിത്രത്തിനുശേഷം ഒരുമിക്കുന്ന ‘ഒരു ദുരൂഹസാഹചര്യത്തില്’, നിവിന് പോളി-ലിജോ മോള്-അരുണ് വര്മ്മ കൂട്ടുകെട്ടില് ഒരുങ്ങുന്ന ‘ബേബി ഗേള്’, അമല് തമ്പി- ബിജു മേനോന് ചിത്രം അവറാച്ചന് ആന്ഡ് സണ്സ്, പൃഥ്വിരാജുമായി ചേര്ന്നുള്ള സന്തോഷ് ട്രോഫി എന്നിവയാണ് മാജിക് ഫ്രെയിംസിന്റെ ബാനറില് ലിസ്റ്റിന്റേതായി അണിയറയില് ഒരുങ്ങുന്ന പുതിയ ചിത്രങ്ങൾ.