കന്നട നടി ചേതന രാജ് Chethana Raj അന്തരിച്ചു. ബെംഗളൂരുവിലെ ഒരു സ്വകാര്യ ആശുപത്രിയില് ചികിത്സയിലിരിക്കെയായിരുന്നു അന്ത്യം. കൊഴുപ്പ് കുറക്കാന് നടി പ്ലാസ്റ്റിക് സര്ജറിക്ക് വിധേയയായിരുന്നു. സര്ജറി നടത്തിയ കോസ്മെറ്റിക് സെന്ററില്നിന്ന് തിങ്കളാഴ്ചയാണ് ചേതനയെ മറ്റൊരു ആശുപത്രിയില് പ്രവേശിപ്പിച്ചത്. ശസ്ത്രക്രിയയ്ക്ക് ശേഷം ശ്വാസകോശത്തില് ദ്രവമിറങ്ങിയതാണ് മരണകാരണമെന്ന് ഡോക്ടര്മാര് പറയുന്നു. സര്ജറിയിലെ പിഴവാണ് നടിയുടെ മരണത്തിന് കാരണമായതെന്ന് കുടുംബം ആരോപിച്ചു.
രാജാജിനഗറിലെ ഷെട്ടി കോസ്മെറ്റിക് സെന്ററിലാണ് നടി Chethana Raj പ്ലാസ്റ്റിക് സര്ജറി ചെയ്തത്. എന്നാല് സസര്ജറിക്ക് പിന്നാലെ നടിയുടെ ആരോഗ്യം മോശമായി. കോസ്മെറ്റിക് സെന്ററില് നിന്ന് നടിയെ നേരേ ഖാഡെ ആശുപത്രിയിലേക്ക് കൊണ്ടുപോയി. ഹൃദയാഘാതം സംഭവിച്ച രോഗിയ്ക്ക് നല്കേണ്ട ചികിത്സകള് ചേതനയ്ക്ക് നല്കണമെന്ന് പറഞ്ഞ് കോസ്മെറ്റിക് സെന്ററിലെ ജീവനക്കാര് ഡോക്ടര്മാരെ ഭീഷണിപ്പെടുത്തിയെന്ന് ആരോപിക്കുന്നു. 45 മിനിറ്റോളം സിആര്പി നല്കാന് ശ്രമിച്ചുവെങ്കിലും ചേതനയുടെ ശരീരം പ്രതികരിച്ചില്ല. ഇന്നലെ വൈകീട്ട് 6.45-ന് നടി മരിച്ചതായി ഡോക്ടര്മാര് അറിയിച്ചു.
മാതാപിതാക്കളെ അറിയിക്കാതെ സുഹൃത്തുക്കള്ക്കൊപ്പമാണ് ചേതന പ്ലാസ്റ്റിക് സര്ജറിക്കായി ആശുപത്രിയില് എത്തിയത്. ചേതനയുടെ മൃതദേഹം പോസ്റ്റുമോര്ട്ടത്തിനായി രാമയ്യ ആശുപത്രിയിലേക്കു മാറ്റി. ആശുപത്രിയുടെ അനാസ്ഥ ചൂണ്ടിക്കാട്ടി നടിയുടെ മാതാപിതാക്കള് സമീപത്തെ പൊലീസ് സ്റ്റേഷനില് പരാതി നല്കി.
News Kerala Latest On CELLULOID : വിജയ് ദേവെരകൊണ്ട- സാമന്ത ചിത്രം ‘ഖുഷി’ ഫസ്റ്റ് ലുക്ക്