പ്രേംകുമാറിന്റെ സംവിധാനത്തില്‍ വിജയ് സേതുപതിയും ത്രിഷയും മുഖ്യ വേഷങ്ങളിലെത്തിയ 96 തിയറ്ററുകളില്‍ നിറഞ്ഞോടുകയാണ്. പരസ്പരം ഒന്നിക്കാനാകാതെ സാഹചര്യങ്ങള്‍ അകറ്റിയ കൗമാര കാല പ്രണയത്തിലേക്കുള്ള രണ്ടു പേരുടെ തിരിച്ചുപോക്ക്‌ പ്രമേയമാക്കിയ ചിത്രം തെലുങ്കിലേക്ക് റീമേക്ക് ചെയ്യുന്നു. തെലുങ്കിലേക്ക് 96 എത്തുമ്പോള്‍ പ്രധാന കഥാപാത്രങ്ങളെ അവതരിപ്പിക്കുന്നത് നാനിയും, സാമന്തയുമാണ്. തെലുങ്ക് നിര്‍മാതാവ് ദില്‍ രാജുവാണ് ചിത്രത്തിന്റെ റീമേക്ക് അവകാശം സ്വന്തമാക്കിയിട്ടുള്ളത്. 96 റിലീസിനെത്തും മുമ്പേ തന്നെ റീമേക്ക് അവകാശം വിറ്റു പോയിരുന്നു. അതുകൊണ്ട് തന്നെ നാനിക്കും,സാമന്തയ്ക്കുമായി ചിത്രത്തിന്റെ പ്രത്യേക പ്രദര്‍ശനം ദില്‍രാജു സംഘടിപ്പിച്ചിരുന്നു. ചിത്രം കണ്ട രണ്ടു പേരും ഏറെ സന്തുഷ്ടരാകുകയും അപ്പോള്‍ തന്നെ സമ്മതം മൂളുകയും ചെയ്തു. നാനിയും സാമന്തയും ഒന്നിച്ച രാജമൗലി ചിത്രം ഈഗ(ഈച്ച) യ്ക്ക് ശേഷം ഇരുവരും ഒന്നിക്കുന്ന ചിത്രമായിരിക്കും ഇത്
96 തെലുങ്കിലേക്ക് റീമേക്ക് ചെയ്യുന്നു,ചിത്രത്തില്‍ നാനിയും,സാമന്തയും പ്രധാന വേഷത്തിലെത്തും
','' );
}
?>