കര്‍ണനാകാന്‍ മമ്മൂട്ടി

ഇന്ത്യന്‍ സിനിമയ്ക്ക് എക്കാലവും അഭിമാനിക്കാന്‍ തക്ക രീതിയില്‍ ഒരു സിനിമ ഒരുങ്ങുന്നു. മമ്മൂട്ടി നായകനാകുന്ന ‘കര്‍ണന്‍’. എന്ന ഈ സിനിമയുടെ പ്രീ പ്രൊഡക്ഷന്‍ ജോലികള്‍ ഉടന്‍ ആരംഭിക്കുമെന്നാണ് സൂചന. മധുപാല്‍ സംവിധാനം ചെയ്യുന്ന ചിത്രത്തിന്റെ തിരക്കഥ രചിക്കുന്നത് പി ശ്രീകുമാറാണ്.

ബഹുബലി, 2.0, രണ്ടാമൂഴം തുടങ്ങിയ വമ്പന്‍ പ്രൊജക്ടുകളുടെ ശ്രേണിയിലേക്കാണ് മമ്മൂട്ടിയുടെ കര്‍ണനും എത്തുന്നത്. 1000 കോടിയോളം മുതല്‍ മുടക്കിയായിരിക്കും ഈ പ്രൊജക്ടിന്റെ വരവ്. എല്ലാ ഇന്ത്യന്‍ ഭാഷകളിലും ഇംഗ്ലീഷ്, ജാപ്പനീസ്, ചൈനീസ്, ഫ്രഞ്ച് ഭാഷകളിലും ചിത്രമുണ്ടാകുമെന്നാണ് റിപ്പോര്‍ട്ടുകള്‍.

പി ശ്രീകുമാര്‍ 18 വര്‍ഷമെടുത്ത് തയ്യാറാക്കിയ തിരക്കഥയാണ് കര്‍ണന്റേത്. മമ്മൂട്ടിയെക്കൂടാതെ ഇന്ത്യന്‍ സിനിമയിലെയും വിദേശത്തെയും പ്രധാന താരങ്ങളും സാങ്കേതിക വിദഗ്ധരും കര്‍ണന്റെ ഭാഗമാകും.

ഏറെ ഗവേഷണങ്ങള്‍ക്കും പഠനങ്ങള്‍ക്കും ശേഷം പി ശ്രീകുമാര്‍ തയ്യാറാക്കിയ ഈ തിരക്കഥ മധുപാലിന് മുമ്പ് മറ്റ് പല സംവിധായകരും സിനിമയാക്കാന്‍ മോഹിച്ചതാണ്. ഹരിഹരനും ഷാജി കൈലാസും അക്കൂട്ടത്തില്‍ ഉള്‍പ്പെടുന്നു. എന്നാല്‍ ബജറ്റ് പ്രശ്‌നം കാരണമാണ് ഈ പ്രൊജക്ട് നേരത്തേ നടക്കാതിരുന്നത്. എന്നാല്‍ ഇപ്പോള്‍ ഈ പ്രൊജക്ടിന് അനുകൂലമായ സാഹചര്യം ഒരുങ്ങുകയാണ്. മഹാഭാരത യുദ്ധത്തിനും കര്‍ണന്റെ ജീവിതത്തിലെ അവസാനഘട്ടത്തിനുമായിരിക്കും മമ്മൂട്ടിയുടെ കര്‍ണന്‍ പ്രാധാന്യം നല്‍കുക.