സുരക്ഷിതമായ തൊഴിലിടമാണ് ലക്ഷ്യം ; ആഷിഖ് അബു

സിനിമാ ലോകത്തെ സ്ത്രീസുരക്ഷ എന്നത് ഏറ്റവും വലിയ ചര്‍ച്ചയായി ഉയരുന്ന സാഹചര്യത്തില്‍ തങ്ങളുടെ പ്രൊഡക്ഷന്‍ കമ്പനിയായ ഒപിഎം ഇനി നിര്‍മ്മിക്കുന്ന സിനിമകളില്‍, സ്ത്രീകള്‍ക്കായി ആഭ്യന്തര പരാതി സെല്‍ ഉണ്ടായിരിക്കുമെന്ന് സംവിധായകന്‍ ആഷിഖ് അബു വ്യക്തമാക്കി.

എല്ലാ വിധത്തിലുള്ള തൊഴില്‍ ചൂഷണങ്ങളും പ്രത്യേകിച്ച് സ്ത്രീകള്‍ക്കു നേരെയുള്ള ആക്രമണങ്ങളും ചൂഷണങ്ങളും ഈ കമ്മിറ്റിക്ക് മുമ്പാകെ റിപ്പോര്‍ട്ട് ചെയ്യാമെന്നും, എല്ലാവര്‍ക്കും സുരക്ഷിതമായ തൊഴിലിടമാണ് ലക്ഷ്യമെന്നും ആഷിഖ് അബു തന്റെ ഫെയ്‌സ്ബുക്കില്‍ അറിയിച്ചു.